Kreu i Bashkisë së Tiranës, Erion Veliaj, në një intervistë për Report TV tek emisioni i Babaramos, i ka zgjatur fijen e barit Saimir Tahirit të zhytur në ujë. Ai ka komentuar deklaratat e ish-ministrit të Brendshëm duke mbrojtur pozicionin e tij më shumë se cdo socialist tjetër.
Veliaj dhe Tahiri kanë pasur gjithnjë kontradita mes tyre dhe nuk kanë hezituar të financojnë edhe media e lajme kundër njeri tjetrit.
Pjesë nga intervista
Si i cilësoni mesazhet e koduara të Tahirit…
Nuk i kam ndjekur. Jam një njeri shumë i lumtur që nuk shoh lajme, fare.
Tahiri tha, nuk ka bir nënë dhe bir kurve që të më trembë mua…
Nëse dikush i ka thënë trembesh, i është përgjigjur në mënyrë popullore që nuk trembem. Çfarë duhet të komentojë kryetari i bashkisë?
A duhet të ishte aprovuar kërkesa e prokurorisë për arrestimin?
Kam tre vjet që s’jam në parlament, në qeveri, kolegu jonë të përballet me drejtësinë dhe të provojë të drejtën e tij. Duhet pyetur dikush që ka qenë në komision, unë s’kam parë një gjë të tillë. Të provojë të vërtetën e vet.
Kaq shumë di Tahiri sa të shantazhojë…
Në atë komision nuk u dha një provë që të justifikonte arrestin me burg. Saimiri është në këtë qytet, nuk është larguar, është në gatishmëri të kësaj drejtësie.
Pse PS i ofroi mbrojtje?
PS s’i ka ofruar mbrojtje askujt. Ka larguar shumë anëtarë kur ka pasur insinuata për probleme me drejtësinë. PS është e fundit që mund të shantazhohet, nuk është fare ky proces.
A e shihni të mundshëm rikthimin e tij në PS?
Pas këtij procesi duhet të vendosë ai se cili do jetë angazhimi politik.
