Dukesha e Kembrixhit ka lindur një djalë.
Kate Middleton dhe bashkëshorti i saj Prince William mirëpritën fëmijën e tyre të tretë.
Kate u dërgua në spital mëngjesin e sotëm, në “St Mary” të Paddingtonit, në Londër, e solli në jetë Princin e ri vetëm pak orë më vonë, pa komplikacione.
Njoftimi u bë nga pallati mbretëror.
“Lartësia e saj mbretërore Dukesha e Kembrixhit ka sjellë në jetë një djalë rreth orës 11:00.
Duka i Kembrixhit ishte i pranishëm për lindjen.
Lartësia e saj mbretërore dhe fëmija i saj janë mirë”, thuhet në deklaratën e Kensington Palace.
Foshnja është i pesti në radhë për kurorën, ndërsa rezulton stërnipi i gjashtë i Mbretëreshës dhe Dukës së Edinburgut, sikurse edhe vëllai i Princit George dhe Princeshës Charlotte.
