Ishte nisur për në Sarandë për të shijuar rrezet e diellit të kësaj fundjave, por nuk mundi të mbërrijë në destinacion, sepse pa shkuar as në mes të rrugës, gjeti vdekjen në autobusin në të cilin po udhëtonte.
Ngjarja u shënua paraditen e kësaj të premteje në Fan të Mirditës, ku viktima është 56-vjeçari N. F., nga Prishtina.
Duke udhëtuar me autobusin e linjës nga Prishtina për në Sarandë, ka gjetur vdekjen e menjëhershme.
Nga veprimet e kryera rezultoi se vdekja ka ardhur nga shkaqe natyrale, si pasojë e një infarkti kardiak.
Lidhur me këtë rast materialet iu referuan Prokurorisë së Lezhës, për vdekje natyrale.
