Një delegacion i PD-së, drejtuar nga Kryetari Lulzim Basha po lobon në Berlin për hapjen e negociatave të Shqipërisë me BE. Sot Shqipëria ka pritur rekomandimin e Komisionit për hapjen e negociatave ndërsa vendimi pritet të merret në qershor nga vendet anëtare të BE-së. Rekomandimi do te votohet.
“Në seancën dëgjimore të komisionit për Çështjet Europiane në Bundestagun gjerman. Shqetësimet kryesore të grupit CDU-CSU kanë të bëjnë me luftën kundër drogës, me luftën kundër korrupsionit, reformën në drejtësi. Detyrë e vështirë të bindim këtë komision për hapjen e negociatave, proces i cili do të jetë një mjet shtesë dhe presioni për të rritur luftën kundër krimit, drogës, korrupsioni dhe për të mundësuar zbatimin e vërtetë të reformës në drejtësi, të pakapur politikisht”, shkruan Basha ndërkohë që ka dërguar foto të dëgjesës në komision parlamentar të bundestagut gjerman.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
