Ish kandidati për kryetar të PD-së, Eduard Selami, ka reaguar fill pas mbledhjes së Kryesisë së PD, duke u përfshirë për herë të parë në debatet në PD që prej periudhës kur garoi për kryetar në vitin që shkoi.
Në një postim të shkurtër në tuitter, Selami shkruan se “Basha nuk mund t’i afroje PD fitoren ndaj “ligjeron” pengmarrjen me statut”.
Selami kandidoi për kryetar të PD-së përballë Lulzim Bashës në zgjedhjet e korrikut të vitit të kaluar.
Në platformën që paraqiti në kandidim, Eduard Selami, kërkoi futjen në statut të largimit të Kryetarit në rast të humbjes në zgjedhjet e përgjithshme.
