Disa të shtëna me armë zjarri ndodhën sonte në qendër të qytetit të Fierit. Ngjarja dyshohet se ka ndodhur pas një sherri të çastit mes personave, identiteti i të cilëve nuk bëhet ende i ditur ndërkohë që ka mbetur i plagosur një person me inicialet A.J, 32 vjec.
Dikush qëlloi 3 herë me armë zjarri, ndërkohë që policia po vijon hetimet për zbardhjen e plotë të rrethanave të ngjarjes.
Informacion paraprak
Në datën 14.04.2018, rreth orës 21:25 në afërsi të Prefekturës është plagosur me armë zjarri shtetasi A.J, 32 vjeç, banues në Fier,i cili ndodhet në Spitalin Rajonal Fier nën kujdesin e mjekëve.
Paraprakisht dyshohet se shtetasi i plagosur dhe autori janë konfliktuar në një pikë basti.
Policia ka shoqëruar disa persona për tu marrë në pyetje në lidhje me ngjarjen.
Grupi hetimor po punon intensivisht për zbardhjen e rrethanave të ngjarjes, identifikimin dhe kapjen e autorit.
