Një aksion i bujshëm e kanë cilësuar mediat italiane aksionin e policisë në Viçenza, ku janë vendosur në pranga dy shqiptarë dhe është sekuestruar një sasi e madhe heroine.
Sipas medieve, mësohet se bëhet fjalë për sekuestrimin e 30 kilogramë drogë e shtrenjtë, e cila në treg vlente mijëra e mijëra euro.
Policia është e bindur se ka zbuluar një rafineri, ku droga përzihej dhe më pas shitej për konsumatorët. Në pranga javë vendosur dy shqiptarët e identifikuar si Armando Ahmeti, 40 vjeç dhe Saimir Gripshi, 33 vjeç.
Aksioni është bërë nga oficerët e policisë së Padovës, të cilët kishin nisur hetimet prej disa muajsh ndaj kësaj organizate që furnizonte zonën me heroinë.
