Një tërmet i magnitudës 4,6 tronditi Maçeratën në Itali, e njëjta zonë ku lëkundjet e tokës “mbollën” shkatërrim tetorin e vitit 2016.
Tërmeti është ndjerë edhe në Umbria, sipas mediave lokale, por ndërsa ka shkaktuar dëme materiale, përfshirë shembjen e kullës së këmbanës së një kishe në zonë, fatmirësisht prej tij nuk ka pasur të lënduar.
Autoritetet vendosën mbylljen e shkollave dhe po verifikojnë situatën në zonat e goditura. Frika mes banorëve ishte e madhe, siç shprehet edhe kryebashkiaku i Muças, Mario Baroni, i cili shton se lëkundjet vazhdojnë.
Toka në rajon kishte disa ditë që lëkundej lehtë dhe në 4 prill ishin regjistruar dy goditje të një intensiteti të konsiderueshëm me magnitudë 3,6 dhe 4 të shkalles Rihter.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
