Të paktën 70 persona kanë vdekur në një sulm të dyshuar kimik në Douma, qyteti i fundit i mbajtur nga rebelët në Ghoutan Lindore të Sirisë, thonë shpëtimtarët dhe mjekët.
Forcat vullnetare të shpëtimit “Helmetat e Bardha”, publikuan imazhe grafike duke treguar disa trupa në bodrume. Grupimi tha se numri i të vdekur me gjasë do të rritej.
Nuk ka pasur verifikim të pavarur të raporteve, shkruan BBC.
Qeveria e Sirisë i ka quajtur akuzat për një sulm kimik një “trillim”.
Departamenti amerikan i shtetit tha se raportet sugjeronin “një numër potencialisht të lartë të viktimave”, duke përfshirë edhe familjet në strehimore.
DASH tha se Rusia me “mbështetjen e palëkundur” të saj për qeverinë e Sirisë – “mbart përfundimisht përgjegjësinë” për sulmet e supozuara.
Disa grupe mjekësore, monitoruese dhe aktiviste raportuan detaje të një sulmi kimik, por shifrat ndryshojnë dhe ajo që ndodhi është ende e qartë.
Qendra Media Ghouta pro-opozitare shkroi në Twitter se më shumë se 75 njerëz janë “mbytur”, ndërsa një mijë njerëz të tjerë kishin vuajtur efektet e sulmit të supozuar.
Ajo fajësoi një bombë fuçi që thuhet se ra me një helikopter, të cila përmbante Sarin, një agjent nervor toksik.
Bashkimi i Organizatave Mjekësore të Ndihmës, një organizatë bamirëse me bazë në SHBA, që punon me spitalet siriane, i tha BBC-së se Spitali Specialty Rural i Damaskut kishte konfirmuar 70 vdekje.
Sulmi kimik në Siri, Trump: Rusia mbështet kafshën Assad
Presidenti i SHBA, Donald Trump ka dënuar sulmin e dyshuar me armë kimike në Siri. Në një reagim në twitter, Trump fajëson Rusinë dhe presidentin Puntin por edhe Iranin për mbështetjen që i kanë dhënë regjimit të Assad.
Ai paralajmëroi se Rusia dhe Irani do të paguajnë këtë çmim, ndërsa e quan “kafshë” presidentin sirian.
“Shumë të vdekur, duke përfshirë gra dhe fëmijë në sulmin me armë kimike. Zona e mizorive është e bllokuar dhe rrethohet nga ushtria sirianë duke e bërë të paarritshme për botën e jashtme. Presidenti Putin, Rusia dhe Irani janë përgjegjës për mbështetjen e kafshës Asad”, shkruan Trump në twitter.
Ai gjithashtu vuri në dukje trajtimin e ish-presidentit Barak Obama për konfliktin civil sirian dhe dështimin e tij për të përballua pasi vendosi një “vijë të kuqe” mbi përdorimin e armëve kimike.
Të paktën 70 persona humbën jetën nga një sulm i dyshuar kimik në Douma, qyteti i fundit i mbajtur nga rebelët në Ghoutan Lindore të Sirisë.
