Janë identifikuar të tre viktimat e aksidentit tragjik që iu mori jetën 3 të rinjve në orët e para të mëngjesit të sotëm në Varibop të Fierit.
Ata janë dy djemtë xhaxhallarësh Fisnik dhe Agustin Murataj dhe një shtetase franceze, Noza Ahmout. Vajza ishte bashkëjetuesja e Fisnik Muratajt në shtetin grek, ndërsa në Shqipëri kishin ardhur për një gëzim familjar.
Policia në njoftimin e saj bën të ditur se, në datën 09. 04. 2018, rreth orës 08:10, në aksin rrugor Levan-Tepelenë, në fshatin Varibop, në kanalin me ujë në anë të rrugës është gjetur i rrëzuar një mjet tip “Suzuki” me targa IHZ 1755.
Për pasojë janë mbytur shtetasit F. M., 32 vjeç; A. M., 30 vjeç si dhe shtetasja N. A., 34 vjeçe.
Paraprakisht dyshohet se mjeti ka dalë jashtë rruge gjatë natës.
Grupi hetimor po punon për zbardhjen e plotë të ngjarjes.
