Policia ka nisur procedime penale që më pas do i dorëzojë në prokurori për të gjithë ata deputetë që morën pjesë sot në protestat e mosbindjes civile në të gjithë vendin.
Mes të proceduarve ndodhen edhe qytetarë ndërkohë që policia ende nuk ka bërë asnjë njoftim zyrtar në lidhje me këtë fakt.
Disa nga deputetët që morën pjesë në protesta ishin Enkelejd Alibeaj, Myslim Murrizi, Tritan Shehu, Luan Baçi, Oerd Bylykbashi, Oriola Pampuri, Nada Meçrapaj, Ervin Salianji etj.
Kujtojmë se akset që u bllokuan nga qytetarë dhe deputetët të PD ishin ai i Vorës, Çermës, Bradasheshit dhe rruga Lezhë-Milot, në shenjë kundërshtie për taksën në Rrugën e Kombit.
