Vitore Tusha kalon me sukses Vetting-un.
Komisioni i Pavarur i Kualifikimit konfirmon lënien në detyrë të gjyqtares së Gjykatës Kushtetuese.
Vendimi u dha sot në orën 09:00.
Ndryshe nga kolegu i saj, gjyqtarja Tusha u paraqit vetë në seancën dëgjimore përballë trupës gjykuese Alma Faska si kryetare, Valbona Sanxhaktari si relatore dhe Xhensila Pine si anëtare.
Dje në seancën dëgjimore ku u lexua raporti nga relatorja Sanxhaktari, anëtarja e Gjykatës Kushtetuese, Vitore Tusha nuk kishte asnjë problem me pasurinë e saj, nuk kishte kryer deklarim të rremë dhe e kishte pasurinë e saj të justifikuar.
Nga informacionet e marra nga Drejtoria e Sigurimit të Informacionit të Klasifikuar, gjyqtarja Tusha vlerësohej e përshtatshme për të vazhduar në sistemin e drejtësisë. Po ashtu edhe nga Inspektorati i Këshillit të Lartë të Drejtësisë nuk kishte vërejtje për aftësinë e saj profesionale.
