Disa ditë më parë u dorëhoq prokurori i rrethit gjyqësor të Elbasanit Ardian Nezha.
Prokuroria e Përgjithshme ka emëruar në vend të tij si prokurore te përkohshme, Enkeleda Millonain.
Ardian Nezha ishte prokurori që zëvendësoi Dritan Ginën në postin e kryeprokurorit të Elbasanit në janar të këtij viti. Vendimi u dha nga kryeprokurorja e përkohshme Arta Marku.
Në vitin 2015 me lëvizjet nga ish-kreu i prokurorisë, Ardian Nezha, nga prokuror pranë Prokurorisë për Krime të Rënda, të transferohet prokuror pranë Prokurorisë së Rrethit Gjyqësor Pukë.
Nezha ka pasur në hetim dosje të rëndësishme, një prej të cilave është ajo e “bandës së tritolit”.
