Kryeministri Edi Rama ka sjellë sonte argumenta përmes të cilave merret vesh se nuk do të heqë taksën e rrugës së Kombit sic ka premtuar sot paradite. Ai tha se koncesionari paguan bashkinë për fugonat dhe autobusat ndërsa më poshtë shtoi se të hiqet nga mendja fjala ‘fare’ ndërsa po jepte një intervistë në ‘opinion’ tek tv klan.
“Të gjithë ata që lëvizin me autobus dhe me furgon mbulohen nga kompania përmes financimit që ajo u bën autoriteteve vendore”, tha Rama.
Gazetari Fevziu ka ndërhyrë duke përmendur se 120 mijë euro është pagesa e koncesionarit. Kjo do të mjaftonte vetëm për 32 fugona ndërkohë që ka theksuar se mungon rruga dytësore.
Rama tha se duhet të shmangim llogaritjet ndërsa për rrugën dytësore ajo do të ishte shumë e shtrenjtë.
“Thelbi është ky, deklaroi Rama. Rruga e Kombit po bie dhe është e kërcënueshme. Ka rrëshqitje toke dhe u përpi një biznes i tërë. Ka 37 pika rreziku, ajo është bërë pa studim gjeologjik, hapja e tynelit para kohë ka shtuar koston 150 milionë dollarë. Vetëm rruga e kombit merr 42 milionë cdo vit. Mund ta bëja, mos të vëja taksë dhe të rrija rehat. A duam ne ta shpëtojmë rrugën e Kombit apo duhet të shtojmë kosoto shumë më tepër pas 10 vitesh”, tha Rama.
Në Rama tha se nuk kemi përvojën e tarifave për rrugët dhe se nuk kemi pasur shumë dijeni për problemet. Fevziu i tha se ke pasur mbi 50 letra ankimimi nga banorët, jo vetëm ju por edhe zyrtarë të tjerë më të lartë të vendit.
Në vijim Rama tha se do të vendoset një sistem pagese ndryshe nga të tjerët për kuksianët. “Fjala ‘fare’ nuk egziston. Është dicka që del nga llogaritë”, tha Rama.
Kryeministri tha se është e pamundur të ndërtohet një rrugë dytësore. Ne nuk mund të mbajmë rrugën e Kombit dhe jo atë dytësore.
