Një bankë është grabitur gjatë natës në Librazhd.
Autori mori një sasi lekësh duke thyer derën e bankës me një levë, por u zbulua më vonë nga Policia dhe iu gjetën edhe paratë e grabitura.
Ai quhet Nuredin Sula dhe njihet si përdorues droge.
Njoftimi i Policisë
Më datë 29. 03. 2018 rreth orës 01:20 në sallën operative të Komisariatit të Policisë Librazhd ka rënë alarmi i një banke.
Shërbimet e policisë kanë shkuar menjëherë dhe pas një pune intensive dhe të mirëorganizuar kanë bërë identifikimin dhe arrestimin në kohë rekord të autorit të dyshuar Nuredin Sula, 32 vjeç banues në Librazhd, i cili kishte marrë disa lekë të holla që kishin qenë mbi banak dhe dosje.
Në vijim të hetimeve ka rezultuar se shtetasi i lartë përmendur dyshohet të jetë autor edhe i ngjarjes së ndodhur më datë 09.03.2018 ku ka thyer me sende të forta (gurë) xhamin e derës kryesore të po këtij filiali banke në Librazhd.
Materialet do ti kalojnë Prokurorisë për veprime të mëtejshme
