Policia e Tiranës, ka konfirmuar grabitjen e një përfaqësuesi firme, pranë një banke, sot, te “ki=komuna e Parisit”. Përveç konfirmimit, policia nuk ka dhënë asgjë më shumë për grabitësit dhe identitetin e mundshëm të tyre.
Njoftimi i Policisë
Më datë 28. 03. 2018, rreth orës 15:10, në rrugën “Medar Shtylla”, në një parking mjetesh në afërsi të një filiali banke të nivelit të dytë, shtetasi A. S., përfaqësues i një firme, kur ka dalë nga mjeti që kishte parkuar dyshohet se dy persona me motor dhe me skafandra i kanë marre me forcë një qese me një shumë të papërcaktuar lekësh.
Janë ngritur pika kontrolli e po vijon krehja e zonës.
Si dhe po punohet për sekuestrimin e pamjeve filmike të zonës për rreth.
Grupi hetimor ndodhet në vendngjarje për sqarimin e rrethanave të ngjarjes dhe identifikimin e autorëve.
