Shqiptarët e arrestuar sot në Itali, hiqeshin si punëtor në parcelat e domateve por në të vërtetë ishin trafikantë kokaine.
Banda e cila vepronte në zonën e Sicilisë, përbëhej nga 6 shqiptarë, 3 prej tyre janë vënë nën pranga , 2 janë shpallur në kërkim ndërsa një tjetër është dëbuar nga territori italian. Të arrestuarit janë Dashnor Tosku 30 vjeç, Ismet Totkrau 33 vjec dhe Elis Rustemi 18 vjeç.
Operacioni i koduar “Cosuzzo” me emrin e komunës ku banonin trafikantët shqiptarë ka zbardhur me anë të përgjimeve telefonike se kokaina trafikohej me një gjuhë të kriptuar ku çdo sasi drogë fshihej nën transportin e arkave me domate.
Hetimet e policisë italiane vazhdojnë për zbardhjen e bashkëpunëtorëve të këtij grupi trafikantësh.
