DETAJE/ Fier, Policia luftë me grabitësit me maska, vret njërin, plagos një tjetër

Policia e Fierit ka shkëmbyer zjarr me 4 grabitës të maskuar dhe të armatosur në lagjen “29 Nëntori”. Ata po tentonin të vidhnin një shtëpi rreth orës 03.00 të mëngjesit të sotëm.

Pasi janë parë nga policia, grabitësit kanë hapur zjarr ndaj uniformave blu, të cilat kanë reaguar. Si rezultat, njeri prej grabitësve është vrarë kurse një tjetër u plagos. Dy të tjerët arritën të largohen me shpejtësi në errësirë.

Nga radhët e Policisë nuk ka të plagosur e as viktima.

Policia e Fierit ka ngritur pika kontrolli dhe është në ndjekje të dy prej grabitësve të tjerë të bandës.

Policia

Policia e Fierit ka dhënë një informacion paraprak mbi shkëmbimin me armë që ka pasur me grabitësit gjatë natës dhe një viktimë nga radhët e grabitësve.

Në datën 23. 03. 2018, rreth orës 03:00, policia lokale u njoftua nga një telefonatë se në lagjen “29 Nëntori” Fier, pranë banesës së shtetasit Minella Muça, disa persona kanë tentuar të hyjnë brenda shtëpisë duke thyer drynin e derës.

Pas marrjes së njoftimit mbërritën në vendngjarje shërbimet e policisë, të cilët janë përballur me disa persona të maskuar e të armatosur me pistoleta e automatikë, të cilët kanë qëlluar me armë zjarri në drejtim të punonjësve të policisë.

Në kushtet e reagimit propocional, nga shkëmbimi i zjarrit, njëri nga autorët është plagosur dhe një tjetër ka gjetur vdekjen.

Të dy ata ishin të maskuar e të armatosur me pistoleta, të cilat u sekuestruan në cilësinë e provës materiale. Autorët e tjerë, që dyshohet se janë edhe dy, duke qëlluar në drejtim të punonjësve të policisë janë larguar duke përfituar nga errësira dhe kushtet e motit, me një mjet ende të paidentifikuar.

Nga radhët e Policisë së Shtetit nuk ka të lënduar. Menjëherë janë ngritur pika të shumta kontrolli në të gjitha hyrje-daljet e qytetit dhe po vijon puna për kapjen e autorëve të tjerë. Në vendin e ngjarjes janë sekuestruar një numër i konsiderueshëm provash materiale. Nën drejtimin e një grupi të posaçëm të Prokurorisë, i cili gjendet në vendngjarje, po vazhdon puna për dokumentimin e plotë të kësaj ngjarje.

Identifikohen grabitësit

Policia e Fierit ka identifikuar dy grabitësit që mbetën njeri i vrarë dhe tjetri i plagosur nga shkëmbimi i zjarrit që pati me ta pas mesnate. Emrat nuk janë dhënë, por i plagosuri është 37 vjeç dhe është në gjendje të rëndë. Ai është dërguar në Spitalin Rajonal të Fierit. Shoku i tij i vdekur u dërgua në morg.

Kontrollet nga Policia po vazhdojnë për kapjen e dy personave të tjerë të arratisur, pas përplasjes me armë që ndodhi në orën 3 të natës.

Grabitësit e armatosur me pistoleta dhe automatik po thyenin derën e shtëpisë së qytetarit Minela Muça në lagjen 29 nëntori të Fierit, por dikush ka njoftuar policinë për veprën e tyre. Një e moshuar tha se dëgjuan zhurma dhe u frikësuan, ndaj njoftuan Policinë. Autorët panë efektivët dhe zbritën me shpejtësi nga akti i tretë në të parin. Aty, të gjendur përballë Policisë, ata kanë shtënë me armët e tyre drejt Policisë, e cila i është kundërpërgjigjur. Vrasja e njërit prej tyre dhe plagosja e tjetrit ka ndodhur në katin e parë të pallatit, ku duken edhe gjurmët e plumbave. Dy të tjerët u arratisën në errësirë me një makinë.

Familja Muça ndodhej në banesë në momentin e tentativës për t’u grabitur. Minella Muça bën një jetesë modeste, ai punon shofer dhe nuk zotëron biznese.

Informacioni paraprak i Policisë

Në datën 23.03.2018, rreth orës 03:00, policia lokale u njoftua nga një telefonatë se në lagjen “29 Nëntori” Fier, pranë banesës së shtetasit Minella Muça, disa persona kanë tentuar të hyjnë brenda shtëpisë duke thyer drynin e derës.

Pas marrjes së njoftimit mbërritën në vendngjarje shërbimet e policisë, të cilët janë përballur me disa persona të maskuar e të armatosur me pistoleta e automatikë, të cilët kanë qëlluar me armë zjarri në drejtim të punonjësve të policisë.

Në kushtet e reagimit propocional, nga shkëmbimi i zjarrit, njëri nga autorët është plagosur dhe një tjetër ka gjetur vdekjen.

Të dy ata ishin të maskuar e të armatosur me pistoleta, të cilat u sekuestruan në cilësinë e provës materiale. Autorët e tjerë, që dyshohet se janë edhe dy, duke qëlluar në drejtim të punonjësve të policisë janë larguar duke përfituar nga errësira dhe kushtet e motit, me një mjet ende të paidentifikuar.

Nga radhët e Policisë së Shtetit nuk ka të lënduar. Menjëherë janë ngritur pika të shumta kontrolli në të gjitha hyrje-daljet e qytetit dhe po vijon puna për kapjen e autorëve të tjerë. Në vendin e ngjarjes janë sekuestruar një numër i konsiderueshëm provash materiale. Nën drejtimin e një grupi të posaçëm të Prokurorisë, i cili gjendet në vendngjarje, po vazhdon puna për dokumentimin e plotë të kësaj ngjarje.

/DRONI.al/