Në jo pak raste, aksidente të rënda edhe me pasoja për jetën janë shkaktuar nga drejtues mjetesh të droguar, ndaj për këtë arsye përveç testit të alkoolit, që aktualisht kryehet në terren, se shpejti pritet të aplikohet për herë të parë edhe testi për narkotikët.
Policia Rrugore ka kryer procedurat për blerjen e njëj modeli drageri, i cili arrin të konstatojë deri në 8 lloje subtancash narkotike.
Ndryshe nga testi alkoolit, ku drejtuesve të mjeteve u kërkohet të fryjnë aparaturën, për testin e drogës në pak sekonda atyre u merren nga goja mbetje që analizohen nga drageri.
Një drejtues mjeti që konstatohet nën efektin e narkotikëve në bazë të Kodit Rrugor ndëshkohet me gjobë deri në 50 mijë lekë, si dhe i hiqet patenta deri në një vit dhe për rimarrjen e saj duhet të paraqesë vërtetim mjekësor toksikologjik që është i pastër.
Në varësi të masës së përdorimit të substancave të palejuara, apo pasojave drejtuesi i mjetit rrezikon edhe arrestimin në flagrancë.
Përdorimi i testit të drogës për drejtuesit e mjeteve aplikohet pothuajse në të gjithë vendet e zhvilluara.
Aktualisht policia rrugore shqiptare kur ka dyshime që një drejtues mjeti është nën efektin e substancave të paligjshme, procedon me analiza gjaku që kërkojnë kohë dhe procedura të zgjatura.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
Hi there Policia Rrugore test edhe për drogën në timon, si hiqet dhe si rimerret patenta – Droni.al