Këshilli i Emërimeve në Drejtësi, zhvilloi sot, mbledhjen e tij të parë, në mbështetje të Kushtetutës së Republikës së Shqipërisë dhe të ligjit Nr. 115/2016, “Për Organet e Qeverisjes së Sistemit të Drejtësisë”, më kërkesë të Kryetarit të KED, Artan Broci, drejtuar anëtarëve të këtij këshilli.
Në këtë mbledhje merrnin pjesë anëtarët e zgjedhur të KED…
- Artan Broci
- Altina Xhoxhaj
- Rovena Gashi
- Gentjan Trenova
- Fajtona Memçaj
- Enton Dhimitri
- Fatos Qato
- Ahmet Jangulli
- Vitore Tusha (anëtar zëvendësues)
- Shkëlzen Selimi (anëtar zëvendësues)
- Sotiraq Lubonja (anëtar zëvendësues)
Gjithashtu mbledhja u zhvillua edhe në praninë e Avokatit të Popullit, Erinda Ballanca, përfaqësuesve të Komisionit për Çështjet Ligjore, Administratën Publike dhe të Drejtat e Njeriut, deputetët Ulsi Manja dhe Enkeled Alibeaj, përfaqësuesit të Institucionit të Presidencës Bledar Dervishaj si dhe përfaqësuesit të Kryetarit të Kuvendit Genc Gjonçaj.
Objekt i punimeve të kësaj mbledhje ishte konstituimi i Këshillit të Emërimeve në Drejtësi, marrja në dorëzim e dokumentacionit mbi kandidaturat që kanë aplikuar për pozicionet vakante në Gjykatën Kushtetuese, si dhe ngritja e një grupi pune për hartimin e rregulloreve për funksionimin e këtij këshilli. Grupi i punës do të përbëhet nga Artan Broci, Altina Xhoxhaj dhe Vitore Tusha.
Këshilli i Emërimeve në Drejtësi, autorizoi Kryetarin e tij Artan. Broci, për të bashkëpunuar gjatë këtij procesi, edhe me përfaqësues të misioneve ndërkombëtare që asistojnë sistemin e drejtësisë në Shqipëri si EURALIUS, etj., duke vlerësuar maksimalisht kontributin dhe asistencën e çmuar që kanë dhënë këto misione gjatë fazës së hartimit dhe implementimit të procesit të reformës në drejtësi.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
