Manipulimi i dokumentave të tokave në bregdet është një fenomen për të gjithë këshillat e rretheve dhe bashkitë bregdetare, kështu që nuk është e vështirë të lajmërosh arrestime të tjera nëse prokuroria nuk e ka me opozitën dhe jo me shkelësit e ligjit.
Në një emision të Eni Vasilit në neës 24 një i ftuar tha se po përgaditet arrestimi i një kreu socialist në një bashki të jugut.
“Kjo fushatë do të karakterizohet me arrestime të bujshme. Ndjej keqardhje dhe për këtë rast PD do e ketë të vështirë të fitojë këtë bashki ne Lezhe për shkak të goditjes. Loja nuk do lihet vetëm me kreun e bashkisë së Lezhës, pasi sipas logjikës time dhe të dhënave shumë shpejt një kryetar i një bashkie të jugut të Shqipërisë do të arrestohet. Ai është në siglën e PS, por e ka humbur mbështetjen”- tha Arjan Curri .
Më pas ka plotësuar deputeti i PD-së Ervin Salianji, i cili theksoi se mund të jetë një kryebashkiak që Rama nuk i ka punët mirë dhe se mund të jetë vënë nga Kocco Kokëdhima. Teksa iu përgjigj ngacmimeve të moderatores Eni Vasili, Salianji tha se mund të jetë kryebashkiakja e Sarandës, Floriana Koka.
“Padyshim që nëse ka një rast që do sulmojë Rama, do jetë ndonjë kundërshtar i jashtëm, ose i brendshëm, që mund ta ketë vënë Koço. Mund të jetë e Sarandës. Fakti që po paralajmërohen arrestime në tv, duken sesa serioze janë gjëra”- tha ai.
