Mbi dhjetë zyrtarë të bashkisë së Lezhës përfshirë kryetarin Fran Frrokaj do të dalin nesër para gjykatës për t’u njohur me masën e sigurisë.
Seanca për rivlerësimin e masës së sigurisë do të nisë ditën e hënë në orën 09:00 ku do të vendoset nëse Frrokaj dhe vartësit e tij do të gjykohet në paraburgim apo i lirë.
Zyrtarët e lartë të bashkisë së Lezhës akuzohen për shitjen dhe ndarjen e paligjshme të pronave në zonën e Shëngjinit pikërisht në plazhet e Ranës së Hedhun.
Gjykata ka dhënë më herët “arrest me burg” në mungesë për Frrokaj dhe zyrtarët e tjerë, masë që u ekzekutua dy ditë më parë.
