Lushnjari me makinë të blinduar që i iku me vrap policisë është një emër i njohur për uniformat blu. Ai është biznesmen dhe njihet ndryshe dhe si “Juli i Pashakos”.
Policia iu vu në ndjekje dhe pas disa minutash, ai braktisi makinën si dhe hodhi armën që mbante, një pistoletë tip “Grand Poëer” Q 100, me 15 fishekë.
Ai ka qenë një nga të dyshuarit për masakrën në Lushnjë, ku u ekzekutuan me breshëri kallashnikovi Jurgen Hoxha dhe Zamir Latifi, miq të nipit të Aldoi Bares. Julian Sula u vetëdorrëzua në polici, por u lirua më pas për mungesë provash, shkruan gsh.al.
Ndërkohë në vitin 2016, Julian Sula u plagos në një pikë bastesh, në lagjen “Skënder Libohova”.
Lokali në fjalë ishte në pronësi të Arjan Aliços, një 53-vjeçar, i dënuar më parë për vrasje dhe që njihet si një nga ushtarët e Aldo Bares. Arjan Aliçko njihet ndryshe edhe me nofkën “Ardi i Braçes” në Lushnje.
