Në Shqipëri janë rikthyer rreshjet e dëborës. Ato kanë përfshirë veriun dhe verilindjen e vendit në lartësi mbi 500 metra dhe janë shoqëruar me ulje temperaturash.
Sipas njoftimeve pjesa më e madhe e territorit të bashkisë së Pukës është përfshirë nga reshjet e dëborës, por nuk janë vënë re probleme.
Edhe në qarkun e Dibrës vijojnë reshjet e dëborës, të cilat po bien me intensitet të lartë. Të izoluar janë disa zona si Trebisht, Lurë, Kala e Dodës, Ostren dhe Selishtë, ndërsa trashësia e dëborës ka arritur në 70 centimetra. Edhe në zonën e Thethit, në Shkodër dhe zona të tjera të thella në Dukagjin ka reshje të dendura dëbore.
