Zbardhet Vendimi i shkarkimi të Komisionarit Publik Heral Saraci.
Një ditë pas këtij vendimi nga Kolegji i Posaçëm, mësohet se 4 janë shkaqet që çuan në shkarkimin e këtij komisionari.
Sipas vendimit mësohet se ky shkarkim erdhi për…
- Ndërhyrje dhe ndikim i papërshtatshëm në ushtrimin e detyrës së një anëtari tjetër (neni 16, pika 4).
- Mospërmbushje të pajustifikuar e të qëllimshme, të përsëritur, përkatësisht të funksioneve të tij (neni 16, pika 5).
- Shkelje e rregullave të sjelljes në marrëdhënie me anëtarët e institucionit të rivlerësimit (neni 16, pika 7).
- Vonesa dhe zvarritje të përsëritura dhe të pajustifikuara të veprimeve proceduriale gjatë ushtrimit të funksionit (neni 16, pika 8).
Heral Saraçi, një prej anëtarëve të institucioneve të Vetting-ut, është i pari zyrtar që është kapur në shkelje nga vëzhguesit ndërkombëtare.
Në datën 9 shkurt Operacioni Ndërkombëtar i Monitorimit i ka kërkuar Kolegjit të Posaçëm të Apelimit të nisë një hetim disiplinor ndaj komisionerit publik Herald Saraçi, për thyerje të disiplinës. Pas katër seancave Kolegji i Apelimit ka vendosur shkarkimin e Saraçit për shkeljet e konstatuara nga ONM.
Kjo është çështja e parë që ka marrë në shqyrtim Kolegji i Posaçëm i Apelimit që prej ngritjes së tij, qershorin e vitit te kaluar, në kuadër të Reformës në Drejtësi.
