Oltjan Lami, bashkëshorti i Marjan Cmetas, ka qenë ai që coi deri në fund, zbulimin e helmimit të nënës së tij, prej bashkëshortes.
Nusja helmoi vjehrrën me bar miu duke i thënë se ishte ilaç që hoxha i kishte dhënë për të larguar syrin e keq dhe sherret që kishin përfshirë në shtëpi. Ngjarja ka ndodhur në Kamëz në prill të vitit të kaluar. Ndoshta me peshën e fajit nusja vendos të rrëfehet tek një imam në Qytetin Studenti, i cili e regjistron me video dhe audio. Më pas ia tregon familjarëve të gruas.
Videon e sheh dhe djali, Oltjani i cili menjëherë bën denoncimin në polici.
Mbrëmjen e sotme është arrestuar nusja për veprën penale “Vrasje për shkak të marrëdhënies familjare”, si dhe tre persona të tjerë për moskallëzim krimi, mes tyre dhe vjehrri i të akuzuarës.
Ndërkohë, zbulohet një mesazh prekës i Oltit për nënë e tij.
“Sa shume me mungon kjo telefonate”, shkruan ai në rrjetet sociale, rreth dy muaj pas ndarjes nga jeta, të nënës së tij.
Midis të arrestuarve, është edhe Agim Lami, bashkëshorti i viktimës i cili kishte dijeni, por nuk e denoncoi vrasjen e gruas, nga nusja e djalit të tij.
