Një ngjarje tragjike ka ndodhur në maternitetin e Kukësit pas mesnate, në orët e para të ditës së sotme. 40 vjeçarja Nurije Poçi ka humbur jeten teksa priste të sillte në jetë foshnjen e saj. “Kanë vdekur të dy nëna dhe fëmija i porsalindur”, kanë thënë familjarët, ndërsa policia ka heshtur duke mos e bërë publike ngjarjen deri në këto momente (e hënë, ora 14:30).
Gruaja nga fshatrat e Kukësit kishte shkuar për të lindur në maternitet dhe nuk dihen ende rrethanat e vdekjes. Familjarët nuk e terheqin trupin nga morgu pa u bërë autopsia. Ata kërkojnë drejtësi!
Përmasat e tragjedisë rriten kur mëson se gruaja e re që ndërroi jetë ka lënë 6 fëmijë të tjere jetime.
