Komisioni Qendror i Zgjedhjeve i ka bërë thirrje të gjitha partive politike që të depozitojnë raportet e burimeve të financimit për partitë politike.
Në një deklaratë për mediat, zëdhënësja e KQZ, Drilona Hoxhaj, tha se afati është deri në 31 mars dhe kush e shkel do të gjobitet.
“Raportet duhet të depozitohen nëpërmjet personave përgjegjës sipas formateve të cilat janë miratuar nga KQZ.
Shkelja e afateve të depozitimit të raportit financiar në kohën e duhur apo paraqitjen e raporteve në shkelje të formateve dënohet me gjobë nga 50 mijë deri në 100 mijë lekë.
Afati i dorëzimit të raporteve financiare është data 31 mars 2018”, u shpreh zëdhënësja e KQZ-së, Drilona Hoxhaj.
