Katër shtetas amerikanë po ekzaminohen në Tiranë pasi dyshohen si të infektuar me malarje. Lajmi është kofirmuar nga Hashtag.al nga një zyrtar i Ministrisë së Shëndetësisë. Katër shtetasit amerikanë janë kontrolluar së bashku, ndërsa është konfirmuar infektimi i dy prej tyre, njëri në gjendje më të rëndë.
Katër shtetasit amerikanë janë pjesë e një grupi prej afro 50 misionarësh amerikanë që dyshohet se janë infektuar javët e fundit në Kamboxhia.
Ministria e Shëndetësisë është përpjekur të izolojë informacionet mbi këtë ngjarje, ndërsa ka qenë nën presion nga ambasada e SHBA-ve në Tiranë pasi është konstatuar se autoritetet shtetërore nuk posedonin asnjë rezervë vaksinash për malarjen.
Ministria e Shëndetësisë është gjendur krejt e papërgatitur, ndërsa ky rast ka zbuluar se autoritetet shtetwrore janë tërësisht të papërgatitura dhe nuk kanë marrë asnjë masë për të siguruar rezerva vaksinash, siç ndodh rëndom.
Importi i fundit i vaksinave kundër malarjes është kryer në vitin 2016 nga një subjekt privat, ndërsa ministria e Shëndetësisë nuk prokuron prej vitesh blerjen e vaksinave rezervë, të cilat përdoren në raste konstatimi ose shpërthimi të papritur të epidemive.
