Duket pak e habitshme, por është e vërtetë. Në Quebec të Kanadasë mjekët kanë firmosur një peticion ku kundërshtojnë rritjen e pagave.
Rritja e pagesës së tyre ishte negociuar nga sindikatat e mjekësisë.
Por, firmëtarët e peticionit thonë se në vend që ti rrisin rrogën atyre, paratë duhen për të financuar më shumë infermierët dhe profesionitë të tjerë të kujdesit shëndetësor.
“Ndërsa pacientët jetojnë me mungesën e qasjes tek shërbimet e kërkuara për shkak të shkurtimeve drastike të viteve të fundit dhe centralizimit të fuqisë në duart e Ministrisë së Shëndetësisë”, thuhet ndër të tjera në peticion.
Deri më tani peticioni është nënshkruar nga më shumë se 700 mjekë të përgjithshëm, specialistë dhe studentë të mjekësisë.
Sipas marrëveshjes me qeverinë më shumë se 10.000 mjekë të Quebecit përfitojnë një rritje page prej 1.4%, duke marrë pagat e tyre vjetore nga 4.7 miliardë në 5.4 miliardë dollarë, sipas CNN.
Një mjek në Kanada paguhet mesatarisht 260,000 dollarë nga ministria e shëndetësisë.
