RRËFIMI/ Flet menaxheri, i arrestuari i kokainës: Si “damkosi” policia italiane kontenierin e drogës…!

Kontejneri me banane nga Kolumbia ka ardhur me vonesë në portin e Durrësit dhe menaxheri i Arbri Garden është njoftuar nga një agjent doganor se kamioni kishte dalë me shenjë në skaner dhe duhej të shkarkohej. Këto të dhëna janë zbuluar nga menaxheri Donaldo Lushaj, dëshminë e të cilit ka arritur të zbardhë gazetarja Klodiana Lala për “BalkanWeb”.

“Kam 4 vite që punoj si menaxher i arbri Garden”, ka deklaruar Donaldo Lushaj para oficerëve të policisë gjyqësore. Sipas tij porositë bëhen nga Arbri Çekaj Jansen, që rezulton edhe me mbiemër tjetër, kryesisht në Kolumbi, Ekuador dhe Argjentinë. Porositë bëhet rreth 20 ditë më para. Kësaj radhe porositë kanë ardhur me vonesë. Sipas Lushaj, arsyeja e vonesës ka qenë se janë ndaluar për inspektim në portin e Livornos. Arbër Çekaj është njoftuar me e-mail se duhet të bënte një pagesë 4 mijë euro për ngarkim-shkarkimin në portin e Livornos.

Sa i përket ditës së ngjarjes, Lushaj thotë se “jam njoftuar me telefon nga agjenti doganor A. M., se njëri nga kontejnerët kishte dalë me shenjë në skaner dhe duhet t’i bëhej kontroll’. Kamioni është shkarkuar në port dhe në këtë moment, policia dhe agjentët doganorë kanë konstatuar se në anën e djathtë të kontejnerit kishte ndërhyrje dhe gjurmë silikoni. Për të mos rënë në sy, policia ka bërë një shpim në pjesën e poshtme, dhe pasi ka konstatuar drogën, e kanë lejuar atë që të shkojë në destinacion me qëllim kapjen e peshqve të mëdhenj. Hetimi i Prokurorisë për Krimet e Rënda do t’i japë përgjigje pyetjeve lidhur me këtë operacion, nëse ka qenë apo jo i realizuar tërësisht nga forcat shqiptare. Mësohet se në portin e Livornos kontejnerët qëndruan për 2 javë, ku iu nënshtruan një kontrolli të imtësishëm. Ndaj shtrohet pyetja mos vallë, nuk e kanë konstatuar autoritetet italiane, apo kanë njoftuar autoritetet shqiptare”, raportoi Lala.

/DRONI.al/