Grabitja e ndodhur në qendër të qytetit të Fierit, ishte më e rënda e regjistruar gjatë këtyre muajve të parë të vitit 2018, pasi ajo përfundoi me një viktimë dhe një tjetër person të plagosur.
Përveç këtij rasti të rëndë të ndodhur më 2 Mars në qytetin e Fierit, Tirana, mbeti javën e shkuar kryeqyteti i grabitjeve në vend. ABC News ka mësuar se në Tiranë regjistrohen mesatarisht 7 vjedhje çdo ditë.
Këto pamje që disponon ABC News, tregojnë një vjedhje që ka ndodhur në qendër Kamzës.
Një supermarket u grabit nga katër persona mëngjesin e 19 shkurtit.
Të qetë, autorët vjedhin paratë në arkën e kursimeve edhe pse alarmi ishte aktivizuar në momentin e hyrjes së tyre në godinë.
Të gjithë grabitësit kishin leva hekuri në duar, ndërsa jashtë supermarketit i priste një autmojet tip “Mecedes-Benz”
Ende policia e kryeqytetit nuk ka rënë në gjurmët e këtij grupi hajdutësh, të cilët dyshohen se kanë tentuar më datë 2 Mars të grabisin edhe një bankë të nivelit të dytë në autostradën Tiranë-Durrës. Uniformat blu njoftuan se u mor vetëm një shumë e vogël monetare, e mbetur në arkat e shërbimit, ndërsa synimi i grabitësve ishte kasaforta e bankës.
Java e fundit ka shënuar edhe shumë grabitje të tjerë në qytete të ndryshme të vendit si Korçë, Lezhë, Rrëshen, Delvinë dhe Shkodër.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
