Astrit Patozi dhe Ridvan Bode kanë nisur një tur të ri takimesh me demokratët me qëllimin inicimin e një lëvizje të re brenda të djathtës. Por si e shohin fuksionarët e PD dhe deputetët e saj këto lëvizje.
Nga të panevojshme, te shumë të domosdoshme i konsiderojnë deputetët lëvizjet politike.
Edi Paloka: Ka gjëra më të rëndësishme sot për të zgjidhur.
Fatmir Mediu: Padyshim që Basha në pozicionin e tij si drejtues i PD-së duhet të gjejë patjetër rrugët që të gjithë të bëhen pjesë e lëvizjes së djathtë. Çdo ndarje e së djathtës në segmente mendoj që do të kishte probleme që nuk i përkasin qëllimit që ajo ka.
Flamur Noka: Ka pa PD-ja lëvizje shumë. Lëvizin por prapë kthehen në PD, kështu që mos u merrni me lëvizje”.
Grida Duma: Unë nuk kam asnjë dijeni për këtë.
Dashamir Shehi: Deri tani unë gjykoj që jemi në propozime politike edhe unë çdo ngjarje që lëviz brenda së djathtës i shikoj si pozitive. Por raporti jonë është me PS, Edi Ramën me grupin që keqqeveris Shqipërinë.
Tritan Shehu: Gjithkush duhet të mendojë për t’u bashkuar, për të qenë së bashku dhe jo për t’u ndarë. Ndarjet edhe në eksperiencat e viteve të kaluara treguan që nuk patën sukses. PD është një parti e madhe demokratike me hapësira për të gjithë ata që mund dëshirojnë të bashkëpunojnë me të.
Lulzim Basha: Do kemi kohë, do kemi kohë.
