Një tjetër grabitje ka ndodhur mesditën e sotme. Këtë herë ngjarja ka ndodhur në Tiranë. Dy persona me motor dhe me maska i kanë rrëmbyer një të moshuari një çantë me para.
Grabitja ka ndodhur në kryqëzimin rrugës “Bardhyl” me rrugën “Kongresi i Manastirit”. Menjëherë i moshuari ka telefonuar policinë.
Policia ka nisur hetimet dhe janë vënë në ndjekje të autorëve. Deri më tani policia ka gjetur vetëm motorin që ishte braktisur, ndërsa bën të ditur se ka identifikuar autorët.
