Ka vdekur në Spitalin e Durrësit adoleshenti që u plagos ne thikë sot, nga një bashkëmoshatari i tij në Spitallë të Durrësit.
Mësohet se A. Gj., 16 vjeç, ka vdekur në spitalin e qytetit, pasi u godit me thikë nga D. L.,17 vjeç, i prangosur nga Policia.
Njoftimi i Policisë për ngjarjen
Plagos me mjet prerës bashkëmoshatarin e tij, identifikohet dhe kapet menjëherë nga Policia.
Specialistët për Krimet e Rënda në Drejtorinë Vendore të Policisë Durrës në bashkëpunim me Efektivet e Komisariatit të Policisë kanë bërë kapjen dhe shoqërimin e autorit të dyshuar të një plagosje të ndodhur mesditën e sotme në Durrës, shtetasin D. L., 17 vjeç, banues në Durrës.
Shtetasi i mësipërm, në lagjen Nr. 15, Spitallë, Durrës dyshohet se pas një konflikti për motive të dobëta ka plagosur me mjet prerës (thikë) shtetasin A. Gj., 16 vjeç, banues në Durrës, i cili ndodhet në Spitalin Rajonal Durrës nën kujdesin e mjekëve.
Policia menjëherë pas marrjes së njoftimit për ngjarjen e ndodhur, ka bërë të mundur identifikimin dhe kapjen në kohë të autorit të dyshuar, ku ndodhet i shoqëruar në ambientet e Komisariatit të Policisë Durrës dhe po pyetet rreth rrethanave të ngjarjes.
