Një 16 vjeçar ka mbetur i plagosur me thikë mesditën e sotme në qytetin e Durrësit. Policia bën me dije se ngjarja ka ndodhur lagjen Nr. 15, Spitallë, ku ka mbetur i plagosur adoleshenti me iniciale A.Gj, pas një konflikti për motive të dobëta. 16 vjeçari i plagosur ndodhet në Spitalin Rajonal Durrës nën kujdesin e mjekëve.
Policia ka arrestuar menjëherë autorin e dyshuar të ngjarjes, një 17 vjeçar me iniciale D. L., banues në Durrës.
“Policia menjëherë pas marrjes së njoftimit për ngjarjen e ndodhur, ka bërë të mundur identifikimin dhe kapjen në kohë të autorit të dyshuar, ku ndodhet i shoqëruar në ambientet e Komisariatit të Policisë Durrës dhe po pyetet rreth rrethanave të ngjarjes”, sqaron policia.
