Ish-prefekti i Fierit Bujar Hasaj ka përfunduar në pranga pasi mahstroi dy persona njëri prej të cilit kanadez.
Gjykata e Tiranës me kërkesë të Prokurorisë ka caktuar masën e sigurisë ‘arrest me burg’ për mashtrim. Hasaj ishte prefekt nga viti 2009 deri në vitin 2012 i propozuar nga PDK dhe akuzohet se ka mashtruar 2 persona duke u marrë afro 310 mijë euro.
Hasaj i cili ëhstë edhe ndërtues i kishte premtuar kanadezit me inicialet B.H një dyqan në Tiranë në vlerën e 260 mijë eurove, por pasi i mori lekët, nuk ia dha objektin në fjalë. Pasi siguroi paratë Hasa humbi çdo kontakt me shtetasin e huaj.
Por përmes falsifikimit të dokumenteve, Hasa akuzohet se përvetësoi edhe një tjetër shumë, kësaj radhe nga një shtetas shqiptar. Ai ka mashtruar qytetarin me iniciale D.M., duke i marrë atij një shumë prej 50. 000 mijë eurosh, me premtimin se do t’i shiste një apartament, por me dokumente false. Pavarësisht premtimit, Hasa edhe në këtë rast është zhdukur pa lënë gjurmë.
“Arrestimi i të sipërpërmendurit u bë pasi ky shtetas në bashkëpunim me shtetasin P.P., kanë mashtruar më anë të falsifikimit të dokumentave, shtetasin Kanadez B.H., duke i marrë një shumë prej 260 000 (dyqind e gjashtëdhjetë mijë) dollarësh dhe shtetasin shqiptar D.M., duke i marrë një shumë prej 50 000 (pesëdhjetë mijë) Eurosh. Materialet proceduriale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprën “Mashtrimi me pasoja të rënda i kryer në bashkëpunim” dhe “Falsifikimi i dokumentave i kryer në bashkëpunim”, parashikuar nga nenet 143/3 e 186/2 e Kodit Penal”, thuhet në njoftimin e policisë.
Njoftimi i policisë:
Arrestohet një shtetas dhe shpallet një tjetër në kërkim për veprën penale “Mashtrimi me pasoja të rënda i kryer në bashkëpunim” dhe “Falsifikimi i dokumentave i kryer në bashkëpunim”.
Seksioni për Krimin Ekonomik dhe Financiar në bashkëpunim me Prokurorinë e Rrethit Gjyqësor Tiranë, pas një pune hetimore 8 mujore, ka bërë të mundur finalizimin me sukses të operacionit “Kanadezi”.
Në kuadër të këtij operacioni u bë arrestimi në flagrancë i shtetasit: Bujar Hasa, 57 vjeç, lindur në Fier dhe banues në Tiranë. Gjithashtu në lidhje me këtë procedim, është bërë shpallja në kërkim e shtetasit P.P. Arrestimi i të sipërpërmendurit u bë pasi ky shtetas në bashkëpunim me shtetasin P.P., kanë mashtruar më anë të falsifikimit të dokumentave, shtetasin Kanadez B.H., duke i marrë një shumë prej 260 000 (dyqind e gjashtëdhjetë mijë) dollarësh dhe shtetasin shqiptar D.M., duke i marrë një shumë prej 50 000 (pesëdhjetë mijë) Eurosh
Materialet proceduriale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprën “Mashtrimi me pasoja të rënda i kryer në bashkëpunim” dhe “Falsifikimi i dokumentave i kryer në bashkëpunim”, parashikuar nga nenet 143/3 e 186/2 e Kodit Penal”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
