Prokurorët e Krimeve të Rënda do të takohen me zyrtarë të policisë së Departamentit për Krimin Ekonomik, në lidhje me hetimin e pasurisë së ish-kreut të Autoritetit Rrugor Shqiptar, Dashamir Xhika.
Hetimi pasuror ka nisur edhe për dy ish-zyrtarët e ARRSH, Albens Alita dhe Aksel Qurduka, në kuadër të investigimit që po bëhet për abuzimet me ndërtimin e rrugës Tiranë – Elbasan, raporton ABC News.
Ish-drejtori i ARRSH Dashamir Xhika aktualisht ndodhet me masë sigurie “arrest me burg”. Ai akuzohet për korrupsion dhe shpërdorim detyre në ndërtimin e autostradës Tiranë – Elbasan.
