Kryeministri Edi Rama ka postuar sot një foto dramatike ku pasqyrohet një grup ushtarësh që transportojnë një të sëmurë mes borës dhe stuhisë.
Kryeministri është frymëzuar fort prej këtij momenti dhe e ka shoqëruar foton edhe më një tekst.
Postimi i Ramës:
“HERONJTË E DITËS – Pas 3 orësh ecje në këmbë, FA shpëtojnë nënën e sëmurë të dy fëmijëve në fshatin Tejdrinë të Kukësit
Nëna 38-vjeçare, paraqitej me temperaturë të lartë trupore, 40 gradë dhe e kishte të pamundur të transportohej për në spital për shkak të bllokimit të rrugës nga bora. Menjëherë pas marrjes së njoftimit, efektivët e Brigadës së Mbështetjes Rajonale të Kukësit u nisën drejt fshatit Tejdrinë, për ta dërguar më pas në spitalin e Kukësit, ku ndodhet nën kujdesin e mjekëve”.
