Shqipëria nën pushtetin e borës e ngricave – Rrugë të pakalueshme, shkolla të mbyllura, mungon uji dhe dritat

Pothuajse në gjithë vendin ka patur reshje të borës. Rrugët kryesore janë të kalueshme, por ato rurale mbetën të bllokuara. Nga ana tjetër, shume fshatra kanë mbetur pa energji elektrike dhe pa uje.

Kukës

Temperaturat zbritën deri në minus 8 gradë Celsius në Kukës. Erërat e forta dhe stuhitë sollën probleme në qarkullim. Rruga e Kombit mori një shtresë akulli dhe borë të ngrirë. 20 mjete borëpastruese janë në dispozicion. Në zonat rurale thuajse të gjitha rrugët janë të pakalueshme që lidhin Kukësin me Shishtavecin, Grykeçajen, Ujmishtin, Surrojin, Arren, Kalis, Malzi, Zapod e Topçojan. Por peorbleme ka edhe në qytet. Tubacionet e ujit të pijshëm kanë ngrirë, kurse në shumë shkolla nuk ka nisur procesi mësimor.

Dibër

Trashësia e borës në qytetin e Peshkopisë kalon 30 cm, ndërsa në zonat e thella, shkon në mbi 50 cm. Të gjitha rrugët e Njësive Administrative të Dibrës janë të bllokuara. Rruga nacionale Peshkopi – Tiranë kalohet me vështirësi me zinxhirë. Problematike në këtë segment është Qafa e Moronicës, Pishat e Bulqizës, Qafa e Buallit dhe Qafa e Ulzës. Rruga Peshkopi – Kukës momentalisht është e pakalueshme, edhe pse mjetet janë në punë. Problem ngelet Kalaja e Dodës, ndërsa aksi Ura e Çerenecit – Stebleve është i bllokuar. Po ashtu e bllokuar është edhe rruga Qafa e Buallit – Martanesh.

Korçë

Të gjitha rrugët nacionale në Juglindje janë të kalueshme vetëm me zinxhirë. Trashësia e borës varion nga 15 deri në 20 cm. Në Qafën e Qarrit, Qafë Plloçe dhe Qafë Thanë, trashësia e borës 30 cm. Në Voskopojë, ka rënë mbi 40 cm borë. Rruga është e hapur, por lëvizja dhe pse me zinxhirë bëhet me vështirësi. Rruga drejt pikës turistike të Dardhës është e bllokuar prej mbrëmjes së dielë. Aty janë regjistruar 70 cm borë. Zonat e thella malore të Korçës ,Devollit, Kolonjës, Pogradecit kanë mbetur të izoluara.

Llogara

Në Llogara lëvizja e mjeteve po bëhet me vështirësi për shkak të reshjeve të borës. Policia, u bën thirrje drejtuesve të mjeteve të cilët kanë intinerar zonën e Llogarasë, të jenë të pajisura me zinxhirë për qarkullim.

Elbasan

Reshjet e borës dhe era ka shkaktuar akull në shumë rrugë të Qarkut të Elbasanit. Vëmendja është përqëndruar në rrugën Elbasan-Qafë Thanë. Rruga që lidh Librazhdin me Bulqizën është e bllokuar. Fshatrat e thella malorë si Rrajca, Sopoti, Polisi, Stëbleva, Luniku, Orenja etj. janë të bllokuar. E njëjta situatë edhe në fshatra të thellë malorë të Gramshit si në Skëndërbegas, Lënie, Poroçan. Në disa fshatra ka mungesë të energjisë për shkak të këputjes së përcjellësave apo shembjes së shtyllave nga dëbora. Sikurse në disa shkolla nuk është bërë transporti i mësuesve dhe nxënësve.

Lezhë

Pas shumë vitesh dëbora zbardhi edhe Ultësirën e Lezhës si dhe zonën bregdetare. Reshjet nisën pasditen e dielë duke rritur intensitetin në orët e mbrëmjes. Nuk u shënua asnjë problematikë, ndërsa pati vetëm dalje të 3 automjeteve nga rruga, si pasojë e pakujdesisë në lëvizje, por pa shkaktuar të lënduar. Në Laç – Milot lëvizja po bëhet me vështirësi për shkak të ngricave në rrugë.

Shkodër

Pas dy ditë reshjesh, bora e zbardhi qytetin e Shkodrës. Por në rang Qarku, nuk ka probleme të rënda. Me përjashtim zona e thellë në Pukë, ku bora është e shoqëruar me stuhi të fortë. Në disa zona në Qafë Mali trashësia shkon 1.5-2m. Trashësia normale në gjithë këto zona është rreth 80 cm. Në Malësinë e Madhe vetëm disa rrugë, ato drejt Thethit dhe Boges bëhen me zinxhirë. Kurse në Qafë Mali-Fierzë aktualisht ka rreth 40 cm borë.

Njoftimi i Minsitrisë së Mbrojtjes

Ministria e Mbrojtjes bëri me dije kalueshmërinë e rrugëve në qarqet malore të vendit deri në orën 16:00 si pasojë e reshjeve të dëborës. Janë vetëm disa akse rurale që janë të bllokuar nga dëbora që në disa zona kalon deri në 45 cm, ndërsa akset nacionale janë që të gjitha të hapura.

Akset problematike në 5 qarqe

Qarku Shkodër

Aksi rrugor Shkodër-Theth është i bllokuar në Qafë Thore pasi ka rreth 2.5 m dëbore.

Aksi rrugor Shkodër-Breg Lumi, tek “Mali i Shoshit” ka rreth 35 cm dëborë. Ky aks rrugor është i kalueshëm me zinxhirë vetëm nga mjete të larta.  

Nuk ka energji elektrike në fshatrat Pult, Shosh, si rezultat i këputjes së linjave elektrike nga era e fortë.

Bashkia  Fushë-Arrëz:

Segmenti i rruges Bardhet Iballe momentalisht vazhdon te jete i bllokuar nga reshjet e medha dhe ererat e forta qe grumbllojne borën vende vende mbi 1.2 m trashesi.

Bashkia Malësi e Madhe: 

Aksi rrugor Qafa e Bordolecit-Vermosh ka rreth 40 cm dëborë dhe kalimi i automjeteve bëhet me zinxhirë.

Të gjitha akset rrugore janë të kalueshme, ndërsa i pa kalueshëm është segmenti Bogë-Qafë Thore.

Qarku Kukës

Aktualisht Qarku i Kukësit vazhdon të jetë i përfshirë nga reshje të  borës të shoqëruar me temperatura të ulëta e erëra të forta.

Lartësia e borës në Tunel-Kalimash 35 cm , Qafe Shllak 60 cm, Qafe Tobli 25 cm, Qafe Luzhë 15 cm e Valbonë 20 cm.

Rruga e Kombit e kalueshme pa zinxhirë. Punojnë 10 borëpastruese e 2 kamionçina. Lartësia e borës në Tunel-Kalimash 35 cm.

Janë aktivizuar në shkallë Qarku nga Firmat Kontraktore 32 mjete e 96 forca.

Aksi rrugor  Ura e Zapodit –Shishtavec,  Lapaj-Grykë-Çaj qarkullohet  me zinxhirë.

Akse të bllokuara:

Akset rrugore që lidhin fshatrat Lojme, Zapod të NjA Zapod, Pistë, Spas, Çam të NjA Malzi Turaj, Breki të Nj A Topoja, Bashkia Kukës.

Aksi rrugor që lidhin fshatrat Dobrunë, Vlahën e Domaj të Bashkisë Has.

Si pasojë e kushteve të vështira të motit nuk nuk është zhvilluar proçesi mësimor sipas bashkive:

Bashkia Kukës: Shkollat në territorin e Nj.A Shishtavec, Malzi, Kalisë e shkolla në fshatin Kolosjan të NjA Bicaj.

Bashkia Has: Shkollat Golaj, Dobrunë, Vlahën, Letaj, Zgjeç e Gjinaj.

Bashkia Tropojë: Bytyq e Lekbibaj.

Qarku Dibër

Reshjet e dëborës në qendrat e qyteteve Peshkopi, Bulqizë (në rrugët e tyre ka prani të ngricave), vazhdojnë me intensitet të ulët deri mesatar, me prani dëbore rreth 10-12 cm, ndërsa në zonat rurale vazhdojnë reshjet e dëborës me intensitet mesatar dhe të lartë, ku ka prani dëbore rreth 15-30 cm.

E bllokuar është rruga rurale Peshkopi-Lurë, ku trashësia e dëborës arrin mbi 30 cm, por qarkullimi nga kjo njësi administrative bëhet nga aksi rrugor Lurë-Rrëshen.

Mirditë 

Sasia më e madhe e dëborës në rreth 20-50 cm, ka rënë në zonat e thella të bashkisë Mirditë, në lartësitë mbi 800 metër, ku ka dhe bllokime të rrugëve, konkretisht:

Në njësinë administrative Fan, në fshatrat Thirrë, Dardhë, Xhuxhë, Lari, Hebe.

Në njësinë administrative Orosh, në fshatrat Lajthizë, Ndërshen, Nënshejt, Gryg Orosh, Bulshar.

Qarku Elbasan

Aksi Librazhd Stebleve i bllokuar ne segmentin K/Lunikut-Stebleve ku trashesia e debores ne Fushe Studen arin deri ne 40 cm per pasoje fshatrat e Nj.A Stebleve, Bashkia Librazhd jane te bllokuar.

Aksi Rrugor rural, K/LabinotFushe-Shmil paraqet veshtersi qarkullimi ne segmentin Qafe Renas-Shmil per pasoje ne kete Nj.A L.Mal nuk eshte zhvilluar procesi mesimor per shkak te moslevizjes se mjeteve, per kete eshte njoftuar Bashkia Elbasan e cila po punon per normalizimin e situates.

Qarku Korçë

Në  disa zona malore trashësia e borës ka aritur rreth 25 cm, si në Voskopojë, Miras, Lekas.

Në Kulat e Gjergjevicës, Dardhë, Arrëzë,Velçan, Trebinjë, trashësia ka aritur deri rreth 50-60 cm.

/DRONI.al/