Detaje të reja janë zbardhur në lidhje me arrestimin e dy personave të dyshuar si autorë të vrasjes së Memli Begalla, pak ditë më parë në Tiranë.
Mësohet se policia ka mbajtur të ndaluar disa prej personave që u ka pasur borxh viktima për të futur në kurth autorët e vërtetë të krimit.
Ndërsa dy të arrestuarit janë mbajtur në përgjim për 6 ditë radhazi, kur kanë folur me njëri tjetrin kanë thënë se “shpëtuam ne, se u kapën të tjerë”. Të arrestuarit janë takuar disa herë me njëri tjetrin dhe në komunikimet që kanë pasur përsërisnin që ‘shpëtuan pasi ishin ndaluar persona të tjerë’.
Gjithashtu, provat e shenjave të gishtave policia i ka marrë nga një lokal ku ata ishin për kafe. Janë krahasuar me disa gjurmë që u gjetën në vendin e ngjarjes duke bërë lidhjen.
Pasi dokumentoi të gjitha provat e nevojshme policia ndërhyri duke arrestuar dy personat.
