Vesel Vuçinaj, personi që mëngjesin e sotëm plagosi rëndë me kallashnikov një 51-vjeçar, është kryetari i degës së Partisë Socialiste në Kelmend.
Vesel Vuçinaj dhe Mark Zef Cakaj, sipas policisë, kanë qenë të përfshirë edhe më herët në një konflikt për motive të dobëta. Por, mëngjesin e sotëm, kreu i PS në Kelmend qëlloi me kallash drejt shtëpisë së Cakajt duke e qëlluar atë në shpatull. 51-vjeçari është në spital në gjendje të rëndë.
Autori 49-vjeçar u kap nga forcat speciale menjëherë pas ngjarjes.
Ekspertët e policisë gjetën në vendin ku u qëllua me armë zjarri 12 gëzhoja kallashnikovi.
