Policia e Shkodrës ka bërë të ditur se personi që humbi jetën mëngjesin e sotëm pasi u rrëzua në ujërat e Drinit është 71-vjeçari Sh. Ç., banues në lagjen Danjel Matlia në Shkodër.
“Më 24. 02. 2018 rreth orës 09:00 jemi njoftuar se në lumin Drin poshtë urës është gjetur një person i mbytur, i seksit mashkull.
Menjëherë kanë shkuar shërbimet e policisë ku kanë bërë të mundur nxjerrjen e trupit nga lumi Drin dhe është dërguar në morgun e Spitalit Rajonal Shkodër,
Nga familjarët e tij është bërë i mundur identiteti i personit ku rezulton te jetë shtetasi Sh. Ç., 71 vjeç, banues në lagjen Danjel Matlia, Shkodër.
Po punohet me grup hetimor për sqarimin e rrethanave të ngjarjes”, thuhet në njoftimin paraprak të policisë.
