Pas dy ish-Ministrave të Transportit Edmond Haxhinasto dhe Sokol Dervishaj, kreu i ARRSH-së Afrim Qendro i është përgjigjur thirrjes së Prokurorisë së Krimeve të Rënda, për të dhënë shpjegime në lidhje projektin e rrugës Elbasan – Tiranë.
Pas daljes nga organi i akuzës, Qendro tha për mediat se dha shpjegime për rrugën Tiranë – Elbasan në cilësinë e detyrës që ka.
“Po të më thërrasin përsëri, unë do të paraqitem”, deklaroi ai.
Për dosjen e rrugës Tiranë – Elbasan dy javë me parë me urdhër të Prokurorisë është arrestuar ish-drejtori i ARRSH, Dashamir Xhika, si dhe drejtori dhe ish-drejtori I njësisë së menaxhmit të projektit.
Hetimet nga prokuroria nisën pas një kallëzimi të bërë nga Kontrolli i Lartë i Shtetit me vlerë 54 mln euro për abuzime në rrugën Tiranë – Elbasan, por që janë ripërsëritura në një kallëzim të dytë të ministrit Damian Gjiknuri në vitin 2017.
