Kryetari i Bashkisë së Tiranës, Erion Veliaj deklaroi sonte në opinion se ndëretsa e Teatrit Kombëtar do të prishte dhe në vend të saj do të jetë një ansambël ndërtesash.
“Teatri do të jetë shumëfishi i asaj që është sot”, tha Veliaj ndërkohë që gazetari Vefziu kishte shfaqur në ekranin e studios një projekt të publikuar sot ne media ku flitet për një kompleks kullash përgjatë pedonales.
Një ndër arsyet e Velisë për prishjen e teatrit ishte arkitektura fashiste dhe cilësia e materialeve me të cilën ishte ndërtuar kjo ndërtesë.
“Është turp i madh të mbajmë ndërtesa të tilla, qelbësira të tilla. Mjeshtrat italianë thonë se kjo godinë është ndërtuar me tallash dhe lëndë të tjera të dëmshme, që ka shkaktuar dëme dhe sëmundje kancerogjene tek artistët e teatrit, sot nuk ka asnjë vlerë monumentale.
Është një anglomerat fibrash vegjetale, etj, etj. Sot jemi në një situatë që ky Teatër ka sëmurur aktorët tanë me kancer. E keni vrarë mendjen përse gjithë ata aktorë kanë ikur nga jeta nga kjo sëmundje.
Kjo godinë nuk asnjë vlerë monumentale. E kemi këtë edhe nga raporti i ekspretëve i bërë që kur ishte Lulzim Basha kryetar Bashkie i Tiranës.
Është e njëjta situatë si me stadiumin. Të ëndërrojmë për Italinë fashiste kur kjo nuk mban më sipas këtyre ekspertëve në raport. Teatri është në këtë gjendje që kjo karakatinë të hajë edhe disa para nga taksapaguesit kur nuk mban nuk ia vlen. Nuk do të ketë më ndërtesa që janë si kancer”, tha Veliaj.
Teatri që sot ka 3 mijë metra katrorë do të ketë trefishin e pjesës kur të ndërtohet godina e re, tha Erion Veliaj në Opinion. Ai nuk pranoi të fliste për kulla, apo ndërtesa të tjera që do ndertohen rreth tij, por tha se prona e bashkisë nuk do të tjertërsohet ndërsa prona private do të zhvillohet prej tyre.
Sakaq, ai u përfshi edhe në batuta me gazetaren Ornela Liperi të Monitorit. “Shpirti vogël, prit kekun të piqet…”, i tha Veliaj në kontekstin që prit sa të mbarojë projekti, pastaj reago për ndërtimet e reja.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
