Viktimës së aksidentit tragjik që ndodhi mbrëmë pas mesnate në rrugën Tiranë-Durrës, 23-vjeçares Elena Avdillari iu gjet në çantë edhe një biletë udhëtimi me traget për në Bari.
Grupi hetimor i çështjes ka nisur hetimet lidhur me faktin se pse Avdillari nuk u nis në Itali, por udhëtoi nga porti i Durrësit drejt Tiranës me një taksi, por udhëtimi u pre në mes pas aksidentit, ku humbi jetën dhe shoferi Bujar Agalliu.
Burime nga Policia Kufitare thanë se Avdillari nuk u paraqit në sportelin e portit për të vulosur dokumentet, ndërsa asaj nuk i ishte refuzuar udhëtimi drejt Italisë.
