Gjykata e Krimeve të Renda e ka rrëzuar kërkesën e gjyqtarit Shkëlqim Mirit për zëvendësimin e masës së tij të sigurisë “arrest me burg”. Miri e kishte kërkuar këtë zëvendësim me pretendimin se vuan nga një sëmundje.
Më 23 janar, avokati i Mirit i kishte kërkuar edhe Gjykatës së Lartë lirimin e klientit të tij. Sipas argumenteve të avokatit, gjyqtari Miri vuan nga një sëmundje e rëndë tumorale në kokë.
Seanca është zhvilluar pa praninë e Mirit, i cili ndodhet në spitalin e burgut, me pretendimin se vuan nga sëmundja e lartpërmendur.
Gjyqtari Shkëlqim Miri u arrestua në nëntor të 2017, me akuzën e korrupsionit dhe mos deklarimit të pasurisë. Gjatë kontrollit në banesën e tij, policia i gjeti Mirit 34 milionë lekë.
