Një zyrtar i LSI i cili ishte arrestuar me parë me akuzën për korrupsion dhe shpërdorim detyre u gjet pothuajse i pafajshëm sot nga Gjykata e Kavajës.
Fatos Kaja, drejtues lokal i LSI në Kavajë, i cili mbante postin e Nënprefektit të Tiranës i lirua sot nga qelai pasi provat vertetuan se firma e tij ishte falsifikuar. Gjate seancës, avokati mbrojtës ka insistuar që në seancën e vlerësimit të masës së arrestit, se në dokumentacionin e paraqitur si provë nga Prokuroria e rrethit gjyqësor Kavajë, firma e Fatos Kajës ishte e falsifikuar.
Tashme ky pretendim është i provuar shkencërisht me anë të akteve të ekspertimit, të kryera po nga Prokuroria e Rrethit Gjyqësor Kavajë, ku ka rezultuar se firma e shtetasit Fatos Kaja është falsifikuar në 5 raste. Pas kësaj, prokuroria ka kërkuar masën e sigurimit “Detyrim paraqitje”, bazuar në aktet e ekspertimit.
