Ministri i Brendshëm, Fatmir Xhafaj, ka paralajmëruar të gjithë politikanët, se shumë shpejt do t’i nënshtrohen procesit të Vetting-ut. Xhafaj deklaroi se të parët që do të kalojnë në sitën e Vetting-ut janë ta që kanë pasur rol vendimmarrës në fatet e këtij vendi dhe në pasuritë e qytetarëve të këtij vendi. Në Komisionin e Sigurisë, Xhafaj theksoi se pas Vetting-ut në polici, SHÇBA dhe Gardën e Republikës, do të nisë Vetting-u në politikë, duke shtuar se procesi le të fillojë dhe nga vetë ministri i Brendshëm.
“Shumë shpejt do kemi Vetting në politikë, në mënyrë të veçantë të atyre që kanë pasur rol vendimmarrës në fatet e këtij vendi dhe në pasuritë e qytetarëve të këtij vendi. Vetting-u në politikë le të fillojë nga ministri i Brendshëm”, deklaroi ministri.
Ministri i Brendshëm, Fatmir Xhafaj, ka deklaruar se do të kalojnë në sitën e Vetting-ut të gjithë punonjësit e policisë, SHÇBA dhe Garda e Republikës, duke shtuar se do të përjashtohen nga detyra të gjithë ata që nuk kalojnë testin.
Xhafaj theksoi se procesi i Vetting-ut do të jetë transparent dhe në themel ka tri shtylla kryesore, atë të kontrollit të figurës, pasurisë dhe profesionalizmit të punonjësve.
Jepi Cezarit ate qe eshte e Cezarit thuhet shpesh ndaj duhet then qe valla ky eshte i vetmi qe po punon aty dhe e paska then mire qe filloje nga mua vettingun. Ja njeriu qe nuk ka gje per te fshehur
Nga ata burra qe i ka pesh fjala dhe njerez si ky duhen ne qeveri o kryeminister.