Ish kreu i akuzës Adriatik Llalla ka komentuar për herë të parë vendimin e qeverisë amerikane për t’i ndaluar hyrjen atij dhe familjes së tij në SHBA. Duke folur për një gazetar të WSJ (Wall Street Journal) në numrin e djeshëm të kësja gazete ai ka dhënë shpjegime rreth këtij vendimi duke deklarusra se vendimi është rrjedhim i një sulmi që ambasadori amerikan në Tiranë Donald Lu kishte ndërmarrë ndaj tij.
“Unë jam i sigurt se ky është një vendim i marrë pas dezinformimit të dhënë në lidhje me mua nga Ambasadori Lu në Departamentin e Shtetit”, tha ai per gazeten amerikane, cituar nga droni.al.
Njoftimi i SHBA u bë në një deklaratë të shkurtër të botuar të mërkurën në mbrëmje edhe pse nuk ka specifikuar aktet e korrupsionit për të cilat ai është akuzuar. Një zëdhënëse e Departamentit të Shtetit tha të premten në një email se departamenti “ka informacion të besueshëm se z. Llalla ishte i përfshirë në afera të mëdha korrupsioni gjatë qëndrimit të tij në detyrë”. Ajo nuk pranoi koment të mëtejshëm.
Zoti Llalla dhe ambasadori Lu janë përballur me çështjen e reformës gjyqësore, një shqetësim kryesor në përpjekjet e Shqipërisë për t’u bashkuar me Bashkimin Evropian. Reforma u miratua në vitin 2016, por zbatimi i saj ka qenë i vështirë, përfshi edhe bombat e tymit të vendosur në parlament pas një votimi për të emëruar një pasardhës të përkohshëm të zotit Llalla, shkruan gazeta e njohur amerikane, transmeton droni.al.
Z. Lu kishte akuzuar z. Llalla në fillim të vitit 2017 se ai po pengonte reformën. Ambasada e SHBA në atë kohë revokoi vizat e udhëtimit të disa gjyqtarëve dhe prokurorëve shqiptarë pa u përmendur emrat, duke iu referuar “abuzimit flagrant të një vizë zyrtare” nga një prokuror i lartë dhe bashkëshortja e tij.
“Në vijim të shpjegimit rreth ndalimit të tij për të hyrë në SHBA, z. Llalla tha se vizat e tij dhe të gruas së tij u anuluan vitin e kaluar, sepse ajo udhëtoi në SHBA për një pasaportë diplomatike për shkak të problemeve shëndetësore. Ajo ishte shtatzënë në kohën e udhëtimit, tha ai dhe gruaja e tij lindi ndërsa në SHBA. Z. Llalla tha se më vonë u tha nga zoti Lu se zyrtarët nuk mund të përdorin viza diplomatike për vizita private”, shkruan gazeta.
Z. Llalla tha se nuk e di se çfarë prova të korrupsionit ka SHBA për të, por ai fajësoi zotin Lu për çështjen, duke thënë se Lu “ka qenë keqinformues dhe keqinformuar ato me qëllim”.
“Ai më ka fyer mua, familjen time dhe gjithë trupin e gjyqtarëve dhe prokurorëve, duke na trajtuar si kriminelë, duke denigruar ne publikisht dhe personalisht”, tha z. Llalla, cituar nga WSJ me autor Sammuel Rubenferd.
